近年超合金魂大热，三一万能侠、巨灵神、宇宙大帝等全部入晒屋，款款都超精细、劲热血，满足晒一众Robot迷嘅童年梦 想。相反Figure迷长年累月玩着衫公仔，虽然话愈出愈靓，但讲真玩得多都闷，所以当各位见到Hot Toys最新作品Iron Monger之时，真的眼前一亮！事关17.5吋超高身形已经够晒嚇鬼，重装机甲背後仲有半截人形素体，机械加人偶，一次过满足两个愿望。
Iron Man由Mark I 出到Mark VI，加埋动漫节特别版及各式Battle Damanged，大大话话出过十幾款，再出唔只闷亲粉丝，仲辛苦埋一班幕後製作人；好彩HT会定期製作一班配角，之前已经有Whiplash、 Black Widow及War Machine，依家轮到第一集嘅大奸角Iron Monger，HT咁解画︰「其实早喺Mark I 时，我哋已经将Iron Monger排入开发时间表内，奈何之後嘅新Project太多，为咗唔影响质素，惟有推迟製作。」HT仲补充，虽然Iron Monger泥塑早喺去年嘅东京十周年展曝光，但为求精益求精，於是用多半年时间涂装及改良，精细程度比超合金魂犹有过之。
60组关节超灵活HT并非第一次製作巨型机械人，《Aliens》时就出过Power Loader，但论构造及内藏机关，今次Iron Monger就复杂得多。首先整套装甲由头到脚都係重新起模，并按1:6比例做到有17.5吋高，幾乎比同比例嘅Iron Man高出半个身位，相信一般Figure柜都未必摆得落。体积放大、细緻度更加交足货，前胸机舱、四肢嘅油压装置、脚掌喷射器、双手武器包括火神炮、火 箭炮统统100%跟足原着，连带八隻手指都能够灵活郁动，埋单计算全身关节超过60个，莫讲话创咗1/6 Figure纪录，好多山口式玩具都唔够佢多。当然Iron Man系列必备嘅亮灯装置，Iron Monger一样有，装咗喺双眼、双掌及心口，火神炮旁边嘅瞄準器都识发光，认真到O晒嘴。
素体四肢惨被切除电影中Iron Monger由Iron Man Mark I 改装而成，大坏蛋Obadiah Stane喺内部植入驾驶舱，直头当佢係天威勇士或者高狄安咁揸。为咗重现呢个Gimmick，Figure同样内置驾驶舱，只要打开胸前机关，就见到 12吋Obadiah人偶，不过为咗顾及可动性，人偶只有头雕及上半身，四肢惨被「切除」，好彩头雕係独立分件，玩家可以另找Body及西装还其「真 身」。讲到头雕，HT坦言难度唔算高，事关演员Jeff Bridges嘅头雕早於《Tron》时已经做过，如今Kojun只需换上光头，并且加深鱼尾纹、火车轨及青筋等Detail位，令面相老多幾钱重就搞 掂。
Hot Toys MMS164 《Iron Man》 Iron Monger
零售价︰$3,280 预订价︰$3,230 推出日期︰2012年第2季
＊图中为试办款式，与正式推出的版本或有少许分别
由Mark I 改装而成，头部造型一样咁钝，双眼就可以发光。
关节超过60个，而且重心计算準确，单脚都企得稳。
装甲其实係PVC及ABS胶製成，涂装後竟然有铁銹感，Metal到呢！
胸甲向上揭就露出驾驶舱，裏面仲有「半个」12吋Figure。
今次Jeff Bridges算係Kojun翻雕之作，所以面相比《Tron》时更细緻逼真。
脚掌设有油压装置，仲可以外加喷射器。
左右手分别设有火箭及火神炮，出货时瞄準器仲会加入红灯。
Figure屈唔到身，但上半身就可以180°左右转，真係成部大铁牛一样。
打开背甲，就可以拉出隐藏式嘅火箭炮，连机关都咁「入戏」，其他厂点跟?
